Më shumë kontroll në skedën "Listimet"

Kemi vënë re se listimet me më shumë detaje mund të marrin deri në 20% më shumë prenotime. Që kur prezantuam skedën "Listimet" në vitin 2023, kemi vazhduar ta përmirësojmë atë bazuar në përshtypjet e pritësve. 

Versioni i verës 2024 përfshin kërkesën tënde kryesore për prezantimin fotografik: mundësinë për të riorganizuar fotografitë e listimit sipas dhomave. Së shpejti do të mund të përditësosh një prezantim ekzistues fotografik me ndihmën e IA.

Ja pesë mënyra se si të menaxhosh më lehtë listimin tënd me skedën "Listimet", duke filluar me prezantimin e përmirësuar fotografik.

Ndihmoji vizitorët të kuptojnë planimetrinë e banesës sate duke krijuar një prezantim fotografik. Mund të përdorësh IA për të organizuar automatikisht fotografitë e listimit tënd në dhoma dhe hapësira, pastaj të modifikosh manualisht prezantimin. 

Tani mund të tërheqësh dhe të hedhësh fotografi për t'i riorganizuar ato brenda çdo dhome. Së shpejti, do të mund të përditësosh menjëherë një prezantim kur të shtosh tre ose më shumë fotografi. IA do t'i organizojë imazhet e reja pa ndryshuar asnjë nga modifikimet që ke bërë.

Vizitorëtshpesh filtrojnë rezultatet e kërkimit të tyre në Airbnb për të gjetur banesa me veçori ose shërbime të caktuara. Ndihmo që listimi të spikatë duke përfshirë gjithçka që ofron ambienti yt. Skeda "Listimet" e bën të lehtë shtimin e shërbimeve dhe përditësimin e tyre.

Mund të shfaqësh rreth 150 shërbime në mënyrë alfabetike ose sipas kategorive, ose të kërkosh për një shërbim sipas emrit, pa qenë nevoja të lëvizësh. Përfshi detajet aty ku të kërkohet, si për shembull duke vënë në dukje se hapësira jote e dedikuar e punës ofron një printer dhe një karrige ergonomike.

Vizitorët duan që ambientet që prenotojnë të përputhen me përshkrimin e listimit. Dhënia e informacionit të qartë e të saktë rreth banesës sate dhe çfarë ndodhet rreth saj ndihmon në përcaktimin e pritshmërive.

Përshkruaj vendndodhjen, dekorin dhe mikpritjen tënde. Përpiqu t'ua bësh të ditur vizitorëve saktësisht se çfarë ndjesie është që të qëndrojnë në ambientin tënd: pamjet, tingujt dhe përvojat

Vizitorët duhet të jenë në gjendje ta gjejnë ambientin tënd dhe të hyjnë lehtësisht brenda. Skeda "Listimet" të mundëson t'i shtosh ose t'i përditësosh të gjitha informacionet e mbërritjes në një vend të vetëm.

Mund të menaxhosh mënyrën dhe orën e regjistrimit, udhëzimet dhe sugjerimet e parkimit, fjalëkalimin e wifi, manualin e shtëpisë, udhëzimet e çregjistrimit e të tjera dhe më pas të shfaqësh paraprakisht atë që do t'u shfaqet vizitorëve. Vizitorët marrin informacion pas prenotimit, para regjistrimit dhe para çregjistrimit.

Një bravë inteligjente është një bravë elektronike me wifi të aktivizuar që vizitorët e hapin me një kod në vend të një çelësi. Është një mënyrë e thjeshtë dhe efektive e hyrjes me vetëshërbim.

Integrimi i bravës inteligjente është një mjet për pritjen e vizitorëve që të lejon të lidhësh brava të përshtatshme me Airbnb dhe të krijosh automatikisht një kod unik dere për çdo prenotim të ri. Aktualisht është i disponueshëm për pritësit në SHBA dhe Kanada me gjashtë ose më pak listime dhe disa brava nga Schlage. Pajisjet e August dhe të Yale do të shtohen më vonë këtë vit.

Përmirësimet e skedës së listimeve janë pjesë e Versionit të verës 2024.

Informacioni në këtë artikull mund të ketë ndryshuar që nga publikimi.