Përdorimi i mesazheve të programuara për të kursyer kohë

Mjeti i mesazheve të programuara të ndihmon të ndash automatikisht informacione të rëndësishme me vizitorët në momente specifike, si dita e regjistrimit. Kjo të lejon të krijosh mesazhe standarde dhe t'i planifikosh ato për t'i dërguar në kohën kur vizitorët kanë më shumë gjasa të duan informacionin.

Mund të krijosh gjithashtu përgjigje të shpejta, modele të shkurtra që përdoren për t'i dhënë zgjidhje pyetjeve të zakonshme, për të kursyer kohë gjatë shkëmbimit të mesazheve me vizitorët.

Shko te cilësimet e mesazheve në skedën "Mesazhet" për të shkruar dhe programuar mesazhet.

Mund t'i personalizosh këto mesazhe duke futur kode të shkurtra. Këta vendshënues tërheqin informacione si nga listimi yt ashtu edhe nga rezervimi i vizitorit, si rregullat e shtëpisë, emri dhe data e regjistrimit. Sigurohu që të dhënat e listimit të jenë të plota dhe të përditësuara, sepse mesazhet me kode të shkurtra bosh nuk do të dërgohen siç duhet.

Përdor menunë e shkallëzuar për të shtuar kode të shkurtra. Kur të kesh mbaruar së shkruari, programoje mesazhin duke zgjedhur se cili veprim i vizitorit do ta shkaktojë dërgimin e tij. Gjithmonë mund të modifikosh, të kalosh ose të dërgosh një mesazh më herët se sa është planifikuar, sipas nevojës.

Ja se si mund të përdorësh kodet e shkurtra në një mesazh të programuar:

Përshëndetje [guest first name],

Faleminderit për prenotimin! Mezi presim të të urojmë mirëseardhjen më [check-in date]. Ndaj informacionin e udhëtimit që të mund të organizojmë një regjistrim pa probleme, i cili zakonisht është [check-in time] ose më vonë.

Ja disa informacione të shpejta rreth zonës: [neighborhood]

Ja disa sugjerime se si të lëvizësh: [getting around]

Sugjerime të dobishme për të vizituar [city] mund të gjesh në udhëzuesin tonë, i cili është këtu: [guidebook]. Disa ditë para udhëtimit tënd, do të ndajmë informacionin e regjistrimit. Na njofto nëse ke ndonjë pyetje.

Mund të programosh një mesazh në çdo kohë. Konsideroji këto momente për dërgimin e informacioneve të rëndësishme kur u duhet vizitorëve.

• Menjëherë pas prenotimit: Një shënim falënderimi i menjëhershëm pas prenotimit u bën të ditur vizitorëve se e ke marrë kërkesën e tyre dhe jep detaje dhe sugjerime për qëndrimin e tyre të ardhshëm.
• Para regjistrimit: Kujtoji vizitorët për qëndrimin e ardhshëm që të mund të përgatiten për mbërritjen e tyre. Këto mesazhe mund t'i programosh deri në 14 ditë para regjistrimit.
• Dita e regjistrimit: Edhe pse mund të kesh ndarë tashmë udhëzimet e regjistrimit, shumë vizitorë e gjejnë të dobishme të marrin përsëri informacionin kryesor në ditën e regjistrimit, duke përfshirë udhëzimet.
• Dita e parë e qëndrimit: Kontakto për të konfirmuar se gjithçka është në rregull dhe trego gatishmëri t'i përgjigjesh çdo pyetjeje që ata mund të kenë.
• Një ditë pas çregjistrimit: Falënderoji vizitorët e tu që qëndruan me ty dhe rikujtoji të lënë një recension.

Informacioni në këtë artikull mund të ketë ndryshuar që nga publikimi.