Urtësia në punë: Një intervistë me Chip Conley

Jemi të lumtur të mirëpresim Chip Conley për të ndarë reflektimet e tij për raportin midis mençurisë dhe punës dhe si ka ndihmuar komuniteti i pritësve të Airbnb në profesionin e tij. Sipërmarrës me përvojë të gjatë në fushën e mikpritjes, këshilltar strategjik i Airbnb dhe pritës i pashoq, përkushtimi i Chip ndaj komunitetit të pritësve ka rrënjë të hershme dhe trashëgimi që do të zgjasë në kohë. Libri i tij i ri Wisdom@Work: The making of a Modern Elder, premton të shndërrojë idenë e plakjes në një mundësi për të ndarë njohuritë dhe për t'iu rikthyer të nxënit përsëri.

Pyetje: I ke kushtuar shumë vite mikpritjes dhe komunitetit të pritësve të Airbnb. Si ka shërbyer si frymëzim kjo punë për mençurinë e ndarë në librin e ri?
Chip Conley: "Së pari, më mungon komuniteti i pritësve. Gjatë katër viteve të mia në rol drejtues në kompani, më pëlqente të udhëtoja anembanë botës ndërsa mësoja nga pritësit tanë. Ekziston një thënie e vjetër, 'Dituria flet, por mençuria dëgjon,' dhe zbulova se pritësit e komunitetit tonë ishin dëgjues të aftë por gjithashtu kontribuues të jashtëzakonshëm për gjithë komunitetin. ‘Mençuria e turmës’ (komuniteti ynë global i pritësve) më edukoi mjaft dhe shpresoj që të mund të lexojnë disa nga pikëpamjet e tyre të paraqitura në librin tim të ri, në të cilin shpjegoj përse bota duhet ta vlerësojë mençurinë, sidomos kur jemi gjithnjë e më shumë të dominuar nga teknologjia.”

Pyetje: Çfarë mund të mësojnë pritësit nga qasja jote ndaj mençurisë në rrugëtimin e tyre gjatë pritjes së vizitorëve?
Conley: "Ka qenë interesante të kisha dyfishin e moshës mesatare të punonjësve në Airbnb gjatë pesë viteve e gjysmë pune në kompani (prej të cilëve një vit e gjysmë si konsulent). Kam bërë çdo gjë të mundshme që të përfaqësoj komunitetin e pritësve dhe veçanërisht ata që i përkasin një moshe pak më të madhe. Brian dhe bashkëthemeluesit e vlerësojnë shumë që pritësit e moshës 50 vjeç e lart janë më të vlerësuarit për kënaqësinë e vizitorëve në Airbnb, në krahasim me çdo grup tjetër demografik. Mund të ketë disa arsye për këtë: më shumë kohë për t'u përqendruar në aftësitë e tyre të pritjes së vizitorëve, inteligjencës emocionale më të madhe (tipar kryesor i pritësve të shkëlqyer) fituar me moshën dhe ndoshta të pasurit një angazhim afatgjatë për të pritur vizitorë si një mjet për krijimin e të ardhurave për pensionin. Nuk mendoj se ka një grupmoshë të caktuar që ka monopolin e mençurisë, por është një cilësi që mund ta kultivosh dhe të korrësh rezultate me kalimin e kohës.”

Pyetje: Si ka ndryshuar koncepti i mikpritjes për ty në varësi të moshës, si në të 20-at, 30-at, 40-at dhe më tej?
Conley: "Kur themelova Joie de Vivre Hospitality rreth moshës 25-vjeçare (1987), kompania ishte ndër të parët hotel boutique në SHBA. Provuam se një numër gjithnjë e më i madh udhëtarësh kërkonin një përvojë të personalizuar, të lokalizuar në hotelin e zgjedhur. Interesant është fakti se ndryshuam edhe emrin për punonjësit e informacionit nga "nëpunës" në "pritës". Siç duket, idenë e pritjes së vizitorëve e kam në gjak prej 32 vjetësh. Gjatë 24 viteve si Drejtor Ekzekutiv i asaj kompanie, krijuam 52 hotele boutique, dhe u bë e qartë se zinxhirët e mëdhenj globalë donin të fillonin të dukeshin më shumë si hotele boutique (më shumë vëmendje ndaj dizajnit, restorante dhe bare më të mira, më shumë fokus në përvojat lokale etj.). Kur u bëra pjesë e Airbnb si drejtoreshë e Mikpritjes dhe Strategjisë Globale, e mendova këtë valë të re të qiradhënies së shtëpive si një risi të madhe të hoteleve boutique, ndërkohë që teknologjia e lejoi Airbnb ta zhvillonte këtë koncept të mikpritjes së lokalizuar në shkallë botërore. Kur Brian Chesky me kontaktoi për t'iu bashkuar kompanisë pesë vite e gjysmë më parë, më pyeti: "Në ç'mënyrë dëshiron ta demokratizosh mikpritjen?" Mendoj që Airbnb dhe komuniteti ynë i mrekullueshëm i pritësve ka bërë pikërisht këtë."

Pyetje: Çfarë këshille do t'i jepje një pritësi që sapo ka filluar me pritjen e vizitorëve?
Conley: "Cilësia e përbashkët e pritësve tanë më të mirë anembanë botës është një kombinim i të qenit shumë i organizuar, shumë mikpritës dhe empatik. Këto janë cilësi të ndryshme dhe disa pritës mund të kenë vetëm njërën prej tyre, ama nëse arrijnë t'i perfeksionojnë të dyja, si në rastet e një çifti që i kombinon këto cilësi, do të kenë shumë sukses."

Pyetje: Cili është hapi tjetër, Chip? Çfarë dëshiron të realizosh në sezonin e ardhshëm?
Conley: "Unë vazhdoj të jem një këshilltar strategjik për Brian dhe ekipin e tij drejtues. Gjatë shkrimit të librit Wisdom@Work arrita të kuptoj se shumë njerëz në moshë të mesme e më lart dëshirojnë të ndryshojnë jetën dhe karrierën e tyre dhe sa pak materiale burimore ekzistojnë në mbështetje të njerëzve që duan të rigjejnë vetën në këtë moshë. Prandaj kam krijuar shkollën e parë të mençurisë për moshën e mesme, Modern Elder Academy, kushtuar krijimit të një vendi dhe mjeteve që ripërkufizojnë përvojat e fituara gjatë jetës. Kampusi është buzë plazhit, një orë larg Cabo San Lucas në jug të Bajas, Meksikë. Pra, mund të them që i jam rikthyer biznesit të mikpritjes. Njerëz nga e gjithë bota na bashkohen."

Lexo më shumë rreth librit të shkruar nga Chip dhe Modern Elder Academy, duke vizituar faqen e tij të internetit.

Informacioni në këtë artikull mund të ketë ndryshuar që nga publikimi.