Si i mbron Airbnb pritësit

Mund të kesh pyetje për mbrojtjen e ambientit dhe sendeve të tua personale kur udhëtarët qëndrojnë në banesë. Incidentet që shkaktojnë dëme ose cenojnë sigurinë janë jashtëzakonisht të rralla, por Airbnb ka shumë masa mbrojtëse, si për pritësit, ashtu edhe për vizitorët.

Airbnb të ndihmon t'i njohësh vizitorët. Nëse përdor funksionin "Prenoto në çast", mund të përshtasësh cilësimet e tua për të shtuar kërkesa për vizitorët përtej kërkesave tona të prenotimit për të gjithë vizitorët. Dhe nëse preferon kërkesat manuale për prenotim, mund të kontrollosh profilet e vizitorëve dhe të lexosh recensionet nga pritësit e mëparshëm para se të pranosh një rezervim.

E duke qenë se pritësit dhe vizitorët mund ta recensojnë njëri-tjetrin vetëm pasi qëndrimi i rezervuar të jetë kryer, ke sigurinë që përshtypjet që po lexon bazohen në përvoja reale. Ke gjithashtu mundësinë të përdorësh shkëmbimin e sigurt të mesazheve në Airbnb për të bërë pyetje dhe për të vendosur pritshmëri në çdo moment para qëndrimit të një vizitori.

AirCover për pritësit do të thotë mbrojtje nga A-ja te Zh-ja për çdo pritës në Airbnb. Ai ofron masa mbrojtëse para udhëtimit me anë të verifikimit të identitetit të vizitorëve për të garantuar që vizitorët të cilët kanë prenotuar të jenë ata që thonë se janë . Kjo ndihmon gjithashtu në zvogëlimin e mundësisë të festave të rrëmujshme dhe dëmtimeve të pronës me teknologjinë e shqyrtimit të rezervimeve.

AirCover për pritësit përfshin Sigurimin për përgjegjësinë e pritësit deri në 1 milion dollarë dhe Mbrojtjen nga dëmtimet të pritësit deri në 3 milionë dollarë, duke mbuluar veprat e artit, sendet me vlerë, makinat, varkat dhe mjete të tjera të parkuara.

Mëso më shumë rreth AirCover për pritësit

Rregullat bazë për pritësit janë një sërë standardesh të detyrueshme që duhen ndjekur nga të gjithë vizitorët. Rregullat bazë kërkojnë që vizitorët ta trajtojnë ambientin me respekt, të ndjekin rregullat e shtëpisë, të komunikojnë menjëherë nëse shfaqen probleme dhe ta lënë shtëpinë në një gjendje që nuk kërkon pastrim të tepruar. Çdo vizitor që prenoton do t'i pranojë këto rregulla para se të bëjë një rezervim.

Airbnb merr një sërë masash për mbrojtjen e llogarisë sate, si p.sh. duke kërkuar verifikim shtesë kur hyrja në llogari bëhet nga një telefon ose kompjuter i ri dhe duke dërguar lajmërime kur bëhen ndryshime në llogari. Nëse e përdor Airbnb gjatë gjithë procesit, për komunikimet, prenotimet dhe pagesat, mbulohesh nga rregulloret dhe mbrojtjet e Airbnb.

Asistenca e komunitetit në Airbnb është në dispozicion në 62 gjuhë për të ndihmuar me:

• Asistencën për riprenotimet
• Rimbursimet
• Ndërmjetësimin

Lexo më shumë për rregulloret dhe mbrojtjet tona

Mbrojtja e pritësit nga dëmtimet në kuadër të AirCover për pritësit, Sigurimi për përgjegjësinë e pritësit dhe Sigurimi për përgjegjësinë gjatë përvojave nuk i mbulojnë pritësit që ofrojnë qëndrime ose përvoja në Japoni, ku janë të vlefshme Sigurimi për pritësit në Japoni dhe Sigurimi për mbrojtjen gjatë përvojave në Japoni, ose pritësit që ofrojnë qëndrime përmes Airbnb Travel LLC. Për pritësit që kanë ofruar qëndrime ose përvoja në Kinën kontinentale, është i vlefshëm Plani për mbrojtjen e pritësve në Kinë. Ki parasysh se të gjitha shumat limit të mbulimit jepen në USD.

Sigurimi për përgjegjësinë e pritësit dhe Sigurimi për përgjegjësinë gjatë përvojave nënshkruhen nga sigurues të palëve të treta. Nëse pret vizitorë në Mbretërinë e Bashkuar, rregulloret e Sigurimit për përgjegjësinë e pritësit dhe të Sigurimit për përgjegjësinë gjatë përvojave nënshkruhen nga Zurich Insurance Company Ltd. dhe dakordësohen e lidhen pa asnjë kosto shtesë për pritësit në Mbretërinë e Bashkuar nga Airbnb UK Services Limited, një përfaqësues i Aon UK Limited, si dhe autorizohen dhe rregullohen nga Autoriteti i Kontrollit Financiar (Financial Conduct Authority). Numri i regjistrit të Aon FCA është 310451. Këtë numër mund ta kontrollosh duke vizituar Regjistrin e Shërbimeve Financiare ose duke kontaktuar FCA-në në numrin 0800 111 6768. Rregullorja e përgjegjësisë së pritësit dhe ajo e përgjegjësisë gjatë përvojave në kuadër të AirCover për pritësit rregullohen nga Autoriteti i Kontrollit Financiar (Financial Conduct Authority). Produktet dhe shërbimet e mbetura nuk janë produkte të rregulluara nga Airbnb UK Services Limited. FPAFF405LC

Mbrojtja e pritësit nga dëmtimet nuk është sigurim dhe nuk ka lidhje me Sigurimin për përgjegjësinë e pritësit. Sipas Mbrojtjes së pritësit nga dëmtimet, ti dëmshpërblehesh për dëme të caktuara që vizitorët i shkaktojnë banesës dhe sendeve të tua personale, nëse ata nuk paguajnë për këto dëme. Për listimet në shtetin e Uashingtonit, detyrimet kontraktuale të Airbnb për Mbrojtjen e pritësit nga dëmtimet mbulohen nga një policë sigurimi e blerë nga Airbnb. Për pritësit me banim ose seli jashtë Australisë, zbatohen këto Kushte të mbrojtjes së pritësit nga dëmtimet. Për pritësit me banim ose seli brenda Australisë, Mbrojtja e pritësit nga dëmtimet është subjekt i Kushteve të mbrojtjes së pritësit nga dëmtimet për përdoruesit australianë.

Informacioni në këtë artikull mund të ketë ndryshuar që nga publikimi.